Астана қаласы Білім басқармасы "71 мектеп- лицей" шаруашылық жүргізу құқығындағы мемлекеттік коммуналдық кәсіпорыны 2013 жылы 1 қыркүйекте Астана қаласы әкімдігінің қаулысымен ашылған. Мектеп Ілияс Омаров көшесі 4 ғимарат мекен-жайы бойынша орналасқан.
Лицейдің негізгі бағыты: математикалық-жаратылыстану. Оқыту мемлекеттік және орыс тілдерінде жүргізіледі.
Мектеп екі ауысым тәртібімен жұмыс істейді.
Мектеп директоры Мукашева Майя Чакеновна.
Мектептің сыйымдылығы - 1200 оқушы. 2023-2024 оқу жылында 5334 оқушы білім алып жатыр.
Мектепте 173 мұғалім жұмыс істейді, оның ішінде: педагог-шеберлер - 3, педагог-зерттеушілер - 41, педагог- сарапшылар – 40, бұл педагогикалық ұжымның 50% құрайды. Жыл сайын жұмысқа жас мамандар қабылданады.Оларға «Жас маман мектебі» ұйымдастырылып, біліктіліктерін арттыру жұмысы атқарылады.
Мектепте 400 орындық акт залы, 450 орны бар асхана, 510 шаршы метр спорт залы, спорт алаңы, 120 орындық оқу залы мен Интернетке қосылған 5 компьютері бар кітапхана, медициналық кабинеттер бар. Мектеп-лицейде 2 информатика, 1 мультимедиялық кабинет қызмет атқарады. Барлық компьютерлер Интернет желісіне қосылған және STEM кабинеті бар.
